Bin Radha Ke Krishan Adhura : Nayeda

Radha ka
Hua hai varnan
Kaviyon ki kalpanaon men
Nahin hai ullekh vishes
Prachin Shastron men
Kyon ?????
Radha thi
Leen itni Krishan men
Aur
Radha Radha na rahi
Ban gayi Krishan
Aur matra
Uski Pratichhaya.

Krishna
Aur Radha ko
Pahchana
Shayad Cheen Desh ne
Tabhi to dikahya
Vritul
Yang and Yin ka.

Yang ka koi nahi
Apna astitva
Woh paye wuzood
Yin ke sahare se.
Yin hai buniyad
Yang ki………
Yin ka nahin hai
Avirabhav bina
Yang ke saath ke,
Prakat hota hai
Vartul donon ke
Judav Se.
Hai dono Abhivyakt
Aek Duje Se……….
(Jaise Hamare
Radha aur Krishna.).

Shree Krishna
Ka vyaktitav
Hua Prakashit
Radha roopi
‘Canvas’ par
Jismen ankit hai
Krishna samagra.

Krishna hai
Yadi Phool pallwit
Radha hai Jad.gahri.
Dono hai Aek
Purna Yugal.
Aur aek shswat jodi.

RadhaKrishna hai
Naam Hai Pura
Bin Radha ke
Krishna Adhura !.