Tuesday, September 30, 2008

Papa (Sin) : Dhammpad se-------Nayeda

Prerak Sutra:
Paapopi passati bhadram, Yava paapam na pacchati,
Yaadatha pachati paapam, adha paapo paapani passati.
--------------------Gautam Budh.
*******************************************************************

Paapi ko
Hota prateet
Sab Kuchh
Anukul aevam
Atyuttam............
Jab prayant
Na hota paap
Paripakva.

Bharan hota
Hai Paap Ghat ka
Jab paripurana;
Dristvya hota
Paapi ko
Apna Paap
Sampurana.


(Gautam Budh ke vachnon ka sar hai: Dusron ko sharirik, mansik athwa vaicharik kshati pahunchana paap hai. Paap jab paripakva hota hai tab paap-karta apne
peeda-dayi karmon ko purna roop se dekhta hai tatha apne karmon ke parinam aaur
prabhav ko anubhav karta hai.Apne karya-kalapon ke prati"Jagrukta" humen apni galtiyon ko samjhati hai aur tatkshan apne ko sudhar kar hum uske bure parinamon ko ksheen kar sakten hai:"Sukh Pahunchaya kisi ko, khud ko sukhi banata hai, Dukh
pahunchaya kisi ko khud ko dukhi banata hai.........We are responsible for our own miseries.)

No comments: